Beri x 科幻世界

11/8/2023

[Beri’s Project - K] HONDA BEAT 雨刮翻新/維修+雨刮摩打清潔 (ホンダビートワイパーリンク交換/モーター掃除)

紅線為維修前雨刮最高位置(好影響駕駛視線)，綠色係維修後

---------------------------------------------------------------------------------------------

繼上次維修好雨刮控制桿之後，第2樣要維修既就係前玻璃雨刮

因為前避震比較硬身關係過壆位時會有較大震幅(另外既原因係BEAT仔車頭較輕) ，所以導致我部BEAT仔過壆時雨刮會彈起，從而影響駕駛視線，另外一個影響視線既原因係使用雨刮後停定既位又係比正常停時候高

問題來自於雨刮入面既帶動連桿既原裝膠卡扣裂開，導致雨刮帶動時有虛位，從而令到雨刮行唔足全程，非調較雨刮角度就可解決

原裝膠件Honda早就停左產，睇返日本人都係用其他廠既卡扣代替(例如用Nissan既，如果想更加同款就直接買全新90年代Today既連桿，淨係拆舊卡扣用)，而我就用卡尺度好size再自己配

還定都將成套雨刮打散，所以我順便噴黑埋裡面既連桿同拆開摩打清走碳粉，檢查碳刷同補所有活動位置既潤滑油

所有雨刮部分基本上維修完成，下次就再開始維修車身其他位置既小問題了

---------------------------------------------------------------------------------------------

係Google打啱日文又可以發現又係BEAT仔常見問題之一

拆開個膠蓋, 車內新鮮空氣入風位同時係同一空間內

先拆走帶動雨刮組件

大清潔清走過30年既塵埃

未打散

全部打散後

雨刮走位既主因, 明顯大部分卡扣都爛哂了

順便清走碳粉 + 檢查碳刷長度

噴黑色後再裝上自己配既卡扣

全部加上新潤滑油

再裝返上去架車到, 無虛位了

20/6/2023

[Beri’s Project - K] HONDA BEAT 雨刮控制桿維修 (ホンダビートワイパーコンビネーションスイッチ修理)

係香港想玩好部Honda BEAT, 最基本都要識睇下日文, 因為架車好多小問題係日本個邊一早有齊解決方案, 今次維修雨刮控制問題都一樣

Honda Beat既雨刮控制桿係有先天設計問題, 時間一耐左就會自己頂爆雨刮控制桿入面既回中膠件, 最後會導致架車一過壆位就會震到條雨刮控制桿跌落黎搞到自己fing雨刮, 為左解決呢個問題我決定直接自己畫3D件再用尼龍料印, 最後再上螺絲固定

---------------------------------------------------------------------------------------------

問題如上圖, 枝桿唔識彈返上去, 導致長期行雨刮

Google只要打啱日文字眼, 就會有來自日本既不同DIY解決方案

其實日本有人賣自製件, 但成幾舊水一粒, 所以都係自己出手design了

自己Design 3D打印尼龍件終於到手

螺絲上膠水防水鬆脫

補上新潤滑油

完成! 左邊既就係原本散係入面既膠件

專登用最薄面既螺絲固定, 可以直接裝返上去用

[Beri’s Project - K] 人生第一部車購入, HONDA BEAT/ホンダビート

[耐無Update更新下] 十年追一個夢, 2013年係我人生開始流連係機舗既年份

係過去十年間除左流連係機舗打音Game之外, 同時都研究自己DIY音樂遊戲手掣, 再到自己研究音樂遊戲街機到買音樂遊戲街機比自己

最後仲研究埋過去係街機上面既系統/基板等, 基本上街機由改成經PC架構既時候已經無咩可以研究, 連2020年時仲用緊PS3既太鼓最後為左行120Hz都改返做PC, 所以現行既音樂街機都已經係PC架構

就係咁我呢個街機/機舗十年自問都算係幾滿足

2023年正正就係我下一個十年既夢既開始, 而係今年年頭終於買左人生第一部車, 有住中置引擎, 萬轉紅區, 開蓬, 佢就係來自90年代初跟隨住日本經濟泡沫爆破既Honda BEAT

係香港仲可以行汽油既時代, 更要把握最後可以玩汽油車既機會, 所以呢部BEAT仔基本上我會陪到最後一刻

呢部車係一部係香港屬於小眾既JDM(當然唔夠Honda其他一堆TYPE-R,S2000等咁多部), 我自己就咁數過香港應該都有50部左右

關於Honda BEAT既故事, 其實Google都已經有一大堆資料, 唔需要再多講了 (例如本田宗一郎最後一部批准賣街既車, 意大利Pininfarina設計, 中置引擎, 萬轉錶板等等)

呢部車黎緊會有唔少既改裝同翻新

對於我呢部車既一d比較大型既改裝/維修會係呢個page到更新

而平時保養/小維修就會留係blogspot到更新, 可以作為對自己部車既紀錄

22/3/2022

[DIY] 原裝Border Break街機手台改造/維修, PS4/PS5專用

係4-5年前BorderBreak未開始推出PS4版既時候, 各機舖既街機框體已經開始出現退機潮, 咁啱我有份幫手處理零件, 但因為個時比較忙碌既關係, 所以只係將由街機拆落既BB街機控制部分賣左比BorderBreak既愛好玩家, 由買家自己再搵人改裝成家用版手台

大概2年後我亦都開始進行我既BB手台改造計劃, 係計劃初步開始期間, 咁啱又聯絡到以前有份搵我買BB零件既人, 目的原來係想搵返我幫手改裝, 而係搵我改裝之前, 佢就係香港搵左 "某某係機舖做左維修幾十年再自立門戶既舖頭" 幫手

但再打聽返原來個改裝費仲貴過我就咁賣零件比佢既價Orz 不過價錢並唔係咩問題, 重點係比得呢個價錢但出黎既手工...真係唔敢相信係出自係一個做左幾廿年街機維修既人手上 lol 完全係搵唔到遊戲體驗, 玩左幾下就一直放置....直到我開始話改造我自己既BB手台

正因為咁我決定用返成本價順手幫佢一齊改造好呢個BB手台

-------------------------------------------------------------------------------------------------------------------

先講下呢個經某大師父改造既BB手台有咩慘況

1. 底部係無盒/外殼固定, 而大部分地方都就咁用熱熔膠固定, 非常牙煙

2. 線材亂咁飛, 又散亂, 而每條線都係就咁開線芯插入去再用膠紙固定就算

3. 用原裝初代無線PS4手掣拆到散哂再慢慢飛線, 但其實個時brook已經有推出PS4專用IO板, 改裝效果一定比用原裝手掣改好好多

4. PS手掣上既OPTION掣就咁用幾粒大陸製機械軸, 而機械軸係就咁焊係洞洞板, 又無寫明邊粒打邊粒, 又無鍵帽 😞

5. BB原裝街機手掣係有耳機位, 但無飛到上去

6. 收咁貴唔幫下手做保養/清潔

由某大師父改裝後表面平平無奇....

先放大睇下所謂既SONY四大天王掣...

如圖所見既一樣...我唔解釋啦...大家心裡有數

幾廿年既手工??........

再睇埋底部, 無錯, 係無殼既, 就係咁樣

先放大睇電池位置

拎開電池後, 又係熱熔膠既天堂

打下插頭都好....係都要用七彩杜邦線....以為小學生玩STEM....

又係七彩杜邦線....一定係流行緊小學生STEM....

Micro USB都係非常環保, 用返原裝PCB直接用熱熔膠固定, 真係抵讚, 環保明日之星

-------------------------------------------------------------------------------------------------------------------

所以我就以上慘況訂製左一套我改裝既方案

1. 補返手台完整外殼, 直接引出USB線

2. 改用Brook PS4 Audio IO板, 因為呢款內置Sound card, 仲可以飛返線去街機手台上既3.5mm, 淨IO板都貴過就咁買隻全新PS4手掣

3. 重新打過哂所有線材, 配上啱用既插頭, 確保所有連接位置實淨, 走線更好睇

4. 將滑鼠位置改成一塊板, 雖然外觀上無左原裝滑鼠還原唔到街機觀感, 但可以改成啱自己手形既滑鼠, 遊戲體驗點都好過用返原裝

5. 將所有可用既掣都補上, 咁就可以set更多快捷鍵

6. 更換全新ALPS搖桿VR, 同埋加返厚d掣, 因為之前玩得多無做保養, 好多位都失靈

7. 補返左手手掣既LED燈, 同埋整個掣比主人自定用咩顏色

-------------------------------------------------------------------------------------------------------------------

先將所有舊PS4零件拆開

再解體清潔

再幫佢更換全新ALPS十字VR

微動都補上厚膠片, 防止有空位導致按下有delay

電線一體化, 全部重新打線

整返著LED, 手掣既靈魂 (可轉藍色)

當然要留自己大名 😜

原裝滑鼠保留燈光特效

原裝滑鼠保留燈光特效2

耳機位用得返, 可以係對戰入面通話

半透明Keycap再配埋Cherry紅軸

呢個係用原裝Mouse既效果

開波!!!

-------------------------------------------------------------------------------------------------------------------

就係咁就完工, 我同佢既BB街機手台都改裝好Orz 到而家都係後悔無早d出手改, 令到佢比人當大水魚咁劏......

26/11/2021

[維修] ADATA SU800 256GB SSD 不能讀取 + 只認到1GB空間

這次收到朋友送來的SU800 SSD, 但可惜是壞的, 插到電腦後不論使用SATA或是USB外置盒都只會認到只有1GB的空間, 而SSD的名字就由ADATA SU800變成了SM2258AB-XX-XXXXXXXX

很明顯就是 " 你個野壞咗呀! "

由於是256GB關係, 還有一定價值, 所以試試自行維修吧, 當作學習都不錯

起初在非亞洲地區的ADATA官網找到升級SSD firmware用的Tool, 是把iso檔燒落USB手指經Linux系統作升級, 只要找到對認的型號就能自行修復

因SU800主要分兩個時期, 初期的SU800是使用2258G主控 + Micron的NAND, 而後期就是2258H + ADATA OEM定製的NAND(沒有型號), 我的SU800後期的再加上用Nanya DDR3 RAM, 所以手動選擇 SU800_IT_DDPX3_256GB_DDR_NY 就對了

但有個非常大的問題是出現了找不到FLASHID.bin, 這問題大了, 很明顯就是NAND出現問題

先查看一下原來的FLASHID.bin, 可看到是使用了3粒ID為 "89,B4,78,32,AA,01" 的NAND

由於SSD的名字已變成了 "SM2258AB-XX-XXXXXXXX" , 所以可使用SMI SSDTools 查看SSD上的NAND, 發現CE1的Ch0 + Ch1的NAND變成了 "89,A4,64,32,AA,01", 很明顯就係最後第3粒NAND出現問題, 應該是焊點鬆了導致, 最壞打算就是把這NAND拆走變成128GB / 192GB的SSD, 先試試重新植錫球再焊回PCB上